Kabhi Saathi to kabi dost,
Bada behrupiya bhagwan ho chala hai,
Kabhi murti, to kabhi vishwas,
Dekhun kahan kahan, vichar tera hi gumrah kar chala hai.
Har patthar aur har patte mein hai agar tu,
Hai agar vaani mein ya soch mein tu,
To phir jalti hai har zindagi aur uski kadi, teri kami se kun,
Bikhra hua hai kun bebas sa bhulti gehraiyon mein tu?
Sath tere insaniyat ki dukan lag gayi hai,
Har avaaz aur vishwas ki holi mani hai,
Dekh imaan ki maut ka mela laga hai,
Zarurat hi khushi hai ab, bikne ko tera bhi thela laga hai
Kahan, har jagah pahunchne ki chah thi kya teri,
Ghul gaya tu to haivaniyat mein-jaisi meri,
Khojne chali thi tujhko har parchayi mein teri,
Jante ho, pheeka pad gaya hai har aks tera.
Abroo sachaiyi, usloon ki kya teri bhi hai lagi daanv pe,
Vishwas aur ummeed ki katrane bhi jhulas gayi hai,
Bacha nahi ab tere tukdo mein kuch bhi,
Jodun kaise teri nishniyon ko, har aatma ki teri saans jo ukhad gayi hai,
Aah! Na mar ke bhi tu kitna mar gaya hai.
No comments:
Post a Comment